Թրամփի կնոջ մերկ լուսանկարը սկանդալի պատճառ է դարձել

ԱՄՆ-ի նախագահական մրցապայքարում կրքերը թեժանում են՝ պայմանավորված Հանրապետական կուսակցության 2 թեկնածուի՝ Դոնալդ Թրամփի ու Թեդ Քրուզի միջև լուրջ վիճաբանությամբ: Այս մասին գրում է Daily Mail-ը: Թեկնածուների լեզվակռվի առարկան Դոնալդ Թրամփի կնոջ՝ Մելանյա Թրամփի մերկ լուսանկարն է, որը հրապարակել է միլիարդատեր Թրամփի թեկնածությունն ակտիվորեն բոյկոտող PAC Make America Awesome շարժումը: Լուսանկարի վրա գրված է՝ ««Ծանոթացե՛ք, Մելանյա Թրամփ՝ ձեր հաջորդ առաջին տիկինը: Բայց դուք նաև կարող եք քվեարկել Թեդ Քրուզի օգտին»։ Լուսանկարն արված է 2000 թվականին, երբ միլիարդատիրոջ ապագա կինը մոդել էր աշխատում Թրամփի գործակալությունում: Նկարի հրապարակումը Դոնալդ Թրամփը կապել է հենց Թեդ Քրուզի հետ և գրառում կատարել Թվիթերում՝ զգուշացնելով, որ կարող է բացել Քրուզի կնոջ գաղտնիքները. Սրան ի պատասխան՝ Թեդ Քրուզը գրառում է կատարել՝ հերքելով իր մասնակցությունը լուսանկարի հրապարակմանը: Նա նաև ասել է, որ Թրամփն իսկական վախկոտ կլինի, եթե փորձի հարձակվել իր կնոջ վրա: