Ֆրանսիայի նախագահի և առաջին տիկնոջ սիրո պատմությունը

Ֆրանսիայի նախագահ, 40–ամյա Էմանուել Մակրոնը և իր կինը` 65–ամյա Բրիջիտ Մակրոնը ծանոթացել են, երբ Էմանուելը դեռ 15 տարեկան էր,երբ Բրիջիթը 39 տարեկան էր և լիցեյում Էմանուելի ու իր 3 երեխաների գրականության ու դերասանական վարպետության ուսուցչուհին էր: Դասընկերները պատմում էին,որ Մակրոնը միշտ է տարբերվել մյուսներից: Նա եղել է Բրիջիտի սիրելի աշակերտը։ Ուսուցչուհին Մակրոնի հետ քննարկում էր Պինտերայի պիեսները, Դելյոզայի աշխատանքները ու շատ շուտով դառնում է նրա մտերիմ զրուցակիցը։ Նրանց շփումը ժամանակի ընթացքում ինտելեկտուալից վերածվում է էմոցիոնալի։ Բրիջիտը զգում է, որ դա խենթություն է և Մակրոնը շատ փոքր է իր համար, սակայն Էմանուելը, չկարողանալով զսպել իր զգացմունքները` հանկարծ սիրո խոստովանություն է անում ուսուսչուհուն, իսկ մի քանի տարի անց, երբ նա դառնում է չափահաս` նրանց մշտական շփումը վերածվում է սիրավեպի: Բրիջիթը 2006–ին ամուսնալուծվում է։ Այդ նորությունը դառնում է սկանդալ ամբողջ քաղաքի մասշտաբով, առաջացնում է պահպանողական բնակիչների և, որ ամենակարևորն է, Մակրոնի ծնողների բարկության պատճառը: Երիտասարդ Մակրոնի ծնողները նրան շատ արագ ուղարկում են Փարիզ` սովորելու: Բրիջիթը հիշում է, որ սիրելիից բաժանվելուց հետո, Մակրոնը հայտնեց` «Սա դեռ վերջը չէ»: Իսկապես, 2007 թվականին, զույգը պաշտոնապես ամուսնանում է: