Հասարակությունը վստահում է Նիկոլ Փաշինյանին ոչ թե՝ Քաղաքացիական պայմանագրին

Հայաստանի Հանրապետությունը 2017 թվականից կիսանախագահականից դարձավ պառլամենտական հանրապետություն: Ժամանակը ցույց տվեց, որ մեր երկիրը դեռ պատրաստ չի պառլամենտական հանրապետություն կոչվել: Մեր երկրում, որևէ քաղաքական կուսակցություն չունի բարձր վստահություն: Կուսակցությունների ներքին համակարգերի և քաղաքական ավանդույթների բացակայության պայմաններում, հասարակության կողմից քաղաքականության մեջ ընկալվում են կոնկրետ անհատները: Այսօր էլ հասարակության մեծ մասը վստահում է Նիկոլ Փաշինյան անհատին և ոչ թե՝ Քաղաքացիական պայմանագիր կուսակցությանը: Որպես փաստաբան և քաղաքացի, կարծում եմ, որ երկրում ստեղծված երկիշխանության և պայթունավտանգ իրավիճակից դուրս գալու համար պետք է օգտվել միայն սահմանադրական ճանապարհներից: Ընդ որում, վարչապետի հրաժարականի միջոցով ԱԺ-ն արձակելու ճանապարհը կարող է վտանգավոր դառնալ և անկանխատեսելի հետևանքներ առաջացնել, եթե խորհրդարանական մեծամասնությունը այլ անձի ընտրի վարչապետի պաշտոնում: ՀՀ Սահմանադրության 2-րդ անփոփոխ հոդվածը սահմանում է, որ Հայաստանի Հանրապետությունում իշխանությունը պատկանում է ժողովրդին: Նույն հոդվածը ներկայացնում է նաև այդ իշխանությունն իրականացնելու ձևերը՝ . ազատ ընտրությունները, . հանրաքվեները, . Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձինք: Ժողովրդի իշխանությունն իրականացնելու այլ սահմանադրական ճանապարհ չկա: Այս համատեքստում, կարելի է հանրաքվեի միջոցով նախաձեռնել Սահմանադրության փոփոխությունների գործընթաց, վերականգնել կիսանախագահական կառավարման ձևը, կազմակերպել նոր նախագահական ընտրություններ և նոր ԱԺ ընտրություններ, ինչպես նաև դատական իշխանությանն օժտել անկախության նոր երաշխիքներով: Փաստաբանների պալատի նախագահ Արա Զոհրաբյանի ֆեյսբուքյան էջից