Նիկոլ Փաշինյանը տանում է սահմանադրական ճգնաժամի

Այսօր Պալեանների անվան դահլիճում տեղի ունեցավ ընտրական օրենսգրքի բարեփոխումների վերաբերյալ քննարկում: Եւ պարզ դարձավ խայտառակ մի իրողություն: Վարչապետին կից ընտրական բարեփոխումների հանձնաժողովը Ընտրական օրենսգրքում փոփոխությունների նախագծով առաջարկում է առնվազն երեք ուժերի ներկայացվածություն Ազգային ժողովում, այսինքն ճիշտ Երեւանի ավագանու պես, երբ ընտրություններում արդեն երկրորդ անգամն է երրորդ ուժը չի հաղթահարում անցողիկ շեմը, բայց օրենքը հնարավորություն է տալիս մասնակցել մանդատաբաշխությանը: Այս ամրագրումը խայտառակ է իշխանությունների՝ հնարավորինս արագ արտահերթ ընտրություններ անցկացնելու պնդումների համատեքստում: Ինչ է ստացվում, ստացվում է, որ իշխանությյունը ընդունում է, որ եթե մոտ ժամանակներում արտահերթ խորհրդարանական ընտրություններ անցկացվեն, ապա ամենայն հավանականությամբ նույնիսկ կասկածի տ Քննարկման ժամանակ առաջարկներ հնչեցին, որ ոչ թե երեք, այլ առնվազն չորս ուժերի ներկայացվածություն պետք է ամրագրել: Զարմանալի է, որ այս գիտակցումը ունենալով, իշխանության տարբեր ներկայացուցիչներ հայտարարում են, որ էյֆորյայի մթնոլորտն անցել է եւ ուժերի միջեւ հավասար մրցակցային պայմաններ կան: Գործող Սահմանադրությունը եւ Ընտրական օրենսգիրքը չի նախատեսում, որ առնվազն երեք ուժ պետք է ներկայացված լինի Ազգային ժողովում։ Գործող ԸՕ-ն միայն պատգամավորների նվազագույն թիվ է սահմանում 101-ը եւ հավելում՝ եթե քվեարկության արդյունքում որեւէ կուսակցություն կամ դաշինք ստանում է մանդատների ավելի քան 2/3-ը, ապա մյուսներին տրվում է լրացուցիչ այնքան մանդատ, որ ունենան ԱԺ-ի առնվազն 1/3-ը կամ 34 մանդատ: Նկատենք, որ մեծ է հավանականությունը, որ նոր ԸՕ-ն չի ընդունվի խորհրդարանի կողմից, քանի որ դրանում առաջարկվում է այնպիսի փոփոխություններ, որոնք մի շարք կուսակցությունների համար ինքնասպանություն են նշանակում: Խոսքը ռեյտինգային ընտրակարգի վերացման մասին է, այս մոդելը դարձավ նախկին իշխանության վերարտադրության միակ գործիքը: Եւ ներկայումս այդ մոդելից հրաժարումը կարող է ծանրակշիռ արգումենտ հանդիսանալ, որպեսզի խորհրդարանում ռեյտինգայինով ընտրված պատգամավորները դեմ քվեարկեն փոփոխություններին: Իսկ այս դեպքում նշանակում է գործող օրենսդրությամբ գնալ ընտրությունների եւ կանգնել սահմանադրական ճգնաժամի առջեւ: Եթե ընդունենք, որ Երեւանի ավագանու ընտրությունները կարող են պրոյեկտվել նաեւ խորհրդարանականի ժամանակ, ապա կունենանք երկու ուժերից չձեւավորված խորհրդարան: Ընդունենք, որ ինչպես Երեւանի ավագանու ընտրություններին, խորհրդարանականի ժամանակ էլ վարչապետի կուսակցությունը կստանա 80 տոկոս քվե, երկրորդ ուժն էլ թոս ստանա ոչ թե յոթ, ինչպես ավագանիում ԲՀԿ-ն, այլ 10-ը տոկոս ձայն, կստացվի, որ երկու ուժերը միասին չեն կարողանում ձեւավորել 100 տոկոսանոց խորհրդարան, իսկ Սահմանադրության համաձայն, եթե մանդատները չեն լրացվում նախատեսված նվազագույն չափով, ապա առաջ է գալիս ճգնաժամ եւ խորհրդարանը ցրելու հարց է դրվում: Անի Սահակյան