«Յուվեցի Կարոյի» սպանության գործով հարցաքննվել է ականատեսը. Հայկ Գրիգորյանը մանրամասներ է հայտնում

ԱԺ նախկին պատգամավորներ Կարո Կարապետյանի և Հարություն Ղարագյոզյանի միջև նախնական վարկածով եղել է գույքային վեճ, այսօր լրագրողներին ասաց Քննչական կոմիտեի նախագահ Հայկ Գրիգորյանը: Ինչպես ասաց՝ Հարություն Ղարագյոզյանի ինքնասպանության վարկածի վերաբերյալ հանրությանը հայտնի տեղեկություններից զատ, լրացուցիչ տեղեկություն չկա: Հարցին` գործի շրջանակներում բացի Աբրահամ Մանուկյանից այլ անձինք հարցաքննվե՞լ են, Գրիգորյանը պատասխանեց. «Քննության նախնական վարկածը գույքային հարցերի հետ կապված վիճաբանությունն էր: Ականատես եղել է, նա հարցաքննվել է: Քննությունը կզարգանա, առավել մանրամասն կհայտնենք, այսօր չենք կարող ավելին հայտնել, քան հարությունն արդեն գիտի»: Հարցին, թե նախաքննական մարմնին չի՞ մտահոգում այն փաստ, որ Հայաստանում մի իրավիճակ է, երբ պարգևատրված զենքերով մարդ են սպանում կամ ինքնասպան են լինում, Քննչական կոմիտեի նախագահը պատասխանեց, որ կարծում է՝ որ խնդիրը դրանում չէ, այն է, որ եթե կա հանցավոր մտադրություն, կա սպանության դիտավորություն, մտադրություն, յուրաքանչյուր զենքով էլ, քարով էլ կարելի է այդ մտադրությունն իրագործել: