Նոր հզոր հարված՝ Պուտինի ուղղությամբ

Երեկվանից կրկին սրության նոր փուլ է մտել Ռուսաստանի եւ Արեւմուտքի հարաբերությունները: Միացյալ Նահանգները մեղադրանք է ներկայացրել Ռուսաստանի ռազմական հետախուզության 7 սպաների՝ պնդելով, թե վերջիններս կիբերհարձակումներ են ծրագրել Հակադոպինգային միջազգային գործակալության և Քիմիական զենքի կիրառումն արգելող կազմակերպության դեմ: ԱՄՆ արդարադատության նախարարության կողմից այս մեղադրանքներն առաջադրելուց ընդամենը մի քանի ժամ առաջ Նիդերլանդներն էր հայտարարել, որ ապրիլին ռուսական ռազմական հետախուզական վարչության՝ ГРУ ի չորս աշխատակցի է արտաքսել՝ երկրում գործող միջազգային կառույցների դեմ կիբերհարձակումներ ծրագրելու համար: Ըստ հոլանդացի իրավապահների, ռուսների թիրախում են եղել Ուկրաինայում 2014 թվականին մալայզիական ինքնաթիռի կործանումը հետաքննող միջազգային խումբն ու ռուս նախկին լրտես Սերգեյ Սկրիպալի և նրա դստեր թունավորումը քննող կազմակերպությունը: Լոնդոնը պնդում է, թե թունավորումն իրականացվել է Կրեմլի հրահանգով: Նիդերլանդների և Մեծ Բրիտանիայի վարչապետերը համատեղ հայտարարություն են տարածել և պնդել, թե Ռուսաստանն արհամարհում է «համամարդկային արժեքները և խախտում այն պայմանավորվածությունները, որոնք երաշխավորում են համաշխարհային անվտանգությունը»: Իսկ Նիդերլանդների և Մեծ Բրիտանիայի վարչապետերը հայտարարությամբ պնդել են, թե Ռուսաստանն արհամարհում է «համամարդկային արժեքները և խախտում այն պայմանավորվածությունները, որոնք երաշխավորում են համաշխարհային անվտանգությունը»: Մարկ Ռյուտեի և Թերեզա Մեյի համատեղ այս հայտարարությունից առաջ երկու երկրներում նոր փաստեր էին հրապարակվել, ըստ որոնց՝ Ռուսաստանի ռազմական հետախուզությունը փորձել է կիբերհարձակումներ իրականացնել միջազգային մի շարք կառույցների, այդ թվում՝ Ուկրաինայում կործանված մալայզիական ինքնաթիռի գործը հետաքննող միջազգային խմբի ու Քիմիական զենքի արգելման կազմակերպության դեմ, որն ուսումնասիրում էր ռուս նախկին լրտես Սերգեյ Սկրիպալի և նրա դստեր թունավորումը: Պաշտոնական Մոսկվան կտրականապես հերքում է այս մեղադրանքները: ՆԱՏՕ-ի գլխավոր քարտուղար Յենս Ստոլտենբերգը հորդորել է Ռուսաստանին դադարեցնել իր «անպատասխանատու» վարքագիծը, ընդգծելով՝ ՆԱՏՕ-ի դաշնակիցները աջակցում են Մեծ Բրիտանիային և Նիդերլանդներին: Այսպես, Նիդերլանդները հայտարարում է, թե ապրիլին երկրից արտաքսել է Ռուսաստանի ռազմական հետախուզության չորս աշխատակիցներին, որոնք փորձել են հաքերային հարձակման ենթարկել Քիմիական զենքի արգելման կազմակերպության՝ Հաագայում գտնվող կենտրոնակայանը: Կազմակերպությունը վերջին ամիսներին քննում էր Սիրիայում քիմիական զենքի կիրառման մասին հաղորդումներն ու ռուս նախկին լրտես Սերգեյ Սկրիպալի և նրա դստեր թունավորումը, որի համար Լոնդոնը մեղադրում է Մոսկվային: Ըստ Նիդերլանդների պաշտպանության նախարարի, ռուսական հատուկ ծառայությունների թիրախում է եղել նաև միջազգային քննչական խումբը, որը զբաղվում էր 2014-ին Ուկրաինայում կործանված մալայզիական ինքնաթիռի գործով: Ամիսներ առաջ այդ քննությունը հայտարարեց, թե 298 ուղևոր տեղափոխող ինքնաթիռը կործանվել է ռուսական բանակին պատկանող հրթիռով: Ավելի վաղ Մեծ Բրիտանիան էր հայտարարել, թե Ռուսաստանի ռազմական հետախուզությունը ողջ աշխարհով կիբերհարձակումներ է իրականացնում՝ ժողովրդավարական ինստիտուտների դիրքերը թուլացնելու, քաոս տարածելու համար: Մետաքսյա Շալունց