Politik.am-ը գրում է. 2008 թվականի մարտի 1-ի իրադարձությունների մասին, թվում է, թե գիտենք ամեն բան: Գիտենք, թե ովքեր են կրակել ու ովքեր են հրաման տվել: Մենք գիտենք, թե հանուն ում իշխանության տեղի ունեցավ այն: Մենք նաև համոզված ենք, որ ցուցարարները եղել են բացառապես խաղաղ, ու նրանց շարքերում զինված մարդիկ չեն եղել:
10 տարի է անցել, ու թվում էր, թե այլևս նոր բան չի բացահայտվելու, բայց պարզվում է՝ 10 տարի շարունակ սխալվել ենք: Ուսումնասիրելով այդ օրերի իրադարձություններին առնչվող տեսանյութերը՝ մի հետաքրքիր դրվագի ականատես եղանք, որը, կարծում ենք, շատ առումներով կփոխի մեր պատկերացումները:
Այս դրվագում շատ հստակ երևում է, որ ոստիկանության դեմ կանգնած քաղաքացիներից երկուսը իրարից ոչ հեռու տարածքից հրաձգային զենքով կրակում են (բարեբախտաբար, օդ, համենայնդեպս՝ կադրերում այդպես է երևում): Կրակահերթից կարելի է եզարակացնել, որ երկուսն էլ ինքնաձիգով են:
Սրանք կադրեր են, որոնց մասին երբեք չի խոսվել: Ու եթե իրականում ՀՔԾ-ն ցանկություն ունի ամբողջապես բացահայտել 2008 թվականի մարտի 1-ին տեղի ունեցածը, ապա պետք է պարզի, թե ովքեր էին քաղաքացիների շարքերից օդ կրակողները, ու արդյո՞ք հետագայում էլ միայն օդ են կրակել:
Իհարկե, շատերը կարող են ասել, որ դրանք սադրիչներ են, ու մենք էլ կարող ենք նրանց հետ համաձայնել, բայց դա կլինի զուտ ենթադրություն: Ահա այստեղ է, որ շատ մեծ անելիք ունի ՀՔԾ-ն, որպեսզի մենք վստահ լինենք, թե ովքեր են կրակողները:
Կադրերից համենայնդեպս պարզ երևում է, որ կրակող քաղաքացիները գտնվում են այլ քաղաքացիների հետ միևնույն տարածքում, ու եթե նրանք իշխանական սադրիչներ լինեին, ապա նրանց շրջապատող ցուցարարները վստահաբար կարձագանքեին նրանց գործողություններին:
Բայց այստեղ կարևոր է գուշակություններով չզբաղվելը: Ուստի առաջարկում ենք ՀՔԾ-ին մեր կատարած աշխատանքի արդյունքում բացահայտված կադրերը վերցնել ուսումնասիրության ու բացահայտել իրականությունը նաև այս մասով:
Հ.Գ. Այս տեսանյութի հրապարակումը և մեր պահանջը՝ բացահայտել ամբողջ ճշմարտությունը, ամենևին էլ չեն նշանակում, որ նախորդ իշխանությունների մեղքերը պետք է ներել, ու 10 քաղաքացիների սպանության համար իշխանությունները չպետք է պատասխանատվություն կրեն: Մեր նպատակն է օգնել նոր իշխանություններին լիարժեք բացահայտել գործը, որպեսզի բոլոր մեղավորները պատժվեն՝ անկախ այն հանգամանքից, թե նրանք այդ օրերին որ ճամբարում են գտնվել:
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Մայիսի 13-ին՝ ժամը 15։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 13-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Գասպարի Սարգսյանը
Մայիսի 13-ին՝ ժամը 15։30-ին, Հայելի ակումբի հյուրն է վաստակավոր ուսուցչուհի Գյուլնարա Ալեքսանյանը
Մայիսի 12-ին՝ ժամը 15։00-ին, Հայելի ակումբի հյուրն է Ալբերտ Բազեյանը
Մայիսի 12-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Մայիսի 12-ին՝ ժամը 12։30-ին, Հայելի ակումբի հյուրն է Ռուզաննա Ստեփանյան
Մայիսի 12-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Մայիսի 11-ին՝ ժամը 15։00-ին, Հայելի ակումբի հյուրն է Աննա Այվազյանը
Մայիսի 11-ին՝ ժամը 16։00-ին, Հայելի ակումբի հյուրն է Սուրեն Սուրենյանցը
Հետևեք մեզ Viber-ում
