Որքան տուգանք են վճարել Նեյմարն ու Պիկեն

«Բարսելոնայում» մարզումներից եւ խաղերից ուշանալու համար ամենաշատը տուգանք վճարել են բրազիլացի հարձակվող Նեյմարը եւ կատալոնացի պաշտպան Ժերար Պիկեն, հաղորդում է Sport.es-ը: Կատալոնական ակումբի գլխավոր մարզիչ Լուիս Էնրիկեն շարունակում է կիրառել ուշացումների համար դրամական տուգանքը: Մարզումից ուշանալու համար ֆուտբոլիստը տուգանվում է 200 եվրո, խաղից առաջ նախատեսված ժամին չժամանելու համար՝ 400 եվրո: Պիկեն արդեն ակումբին վճարել է 6.2 հազար եվրո, Նեյմարը՝ 1.2 հազար: Կարգազանցների թվում են նաեւ Ադրիանոն (հազար եվրո) եւ Արդա Թուրանը (600): Այս մրցաշրջանում ոչ մի անգամ չեն ուշացել Լիոնել Մեսին, Լուիս Սուարեսը, Խավյեր Մասկերանոն եւ Անդրես Ինյեստան: