Մասիս լեռան լանջին բռնկված խոշոր հրդեհը դեռևս չի հաջողվել ամբողջությամբ մարել
Մասիս լեռան լանջին բռնկված խոշոր հրդեհը դեռևս չի հաջողվել ամբողջությամբ մարել: Թուրքիայի տարածքում գնտվող Իգդիր նահանգի ժանդարմերիական ուժերը կրակը մարելու համար օգտագործում եմ անօդաչու թռչող սարքեր, գրում է թուրքական haberler.com կայքը։
Դեռևս երեք օր առաջ բռնկված հրդեհն արագորեն տարածվել է քամու պատճառով։ Ներկայում հրդեհն արդեն ամբողջությամբ այրել է ավելի քան 200 հա մակերեսով տարածք։
Եվս 160 հա հովտային տարածքի վրա տարածված հրդեհը հաջողվել է մարել մինչ կրակի՝ լեռան լանջին գտնվող անտառածածկ տարածքին հասնելը։
Նշենք, որ երեք օր շարունակվող խոշոր հրդեհը տեսանելի է նաև Հայաստանի տարածքից։
Հրդեհի բռնկման պատճառների մասին դեռևս մանրամասներ չեն հաղորդվում։
Թեմայի վերաբերյալ ՀՀ արտակարգ իրավիճակների նախարարության Ճգնաժամային կառավարման ազգային կենտրոնը հայտնել է, որ Մասիս լեռան լանջին ծավալուն հրդեհ է, այրվող օջախները ներկայում հեռու են հայ-թուրքական սահմանից: Կառույցն իրականացնում է մշտադիտարկում:
Հետևեք մեզ Viber-ում
