«Փաստ» օրաթերթը գրում է.
Հետևելով Երևանի ավագանու ընտրությունների քարոզարշավին` մեկ–երկու բացառություններով կարող ենք արձանագրել, որ այն, մեղմ ասած, զուրկ է ծրագրային պայքարի վերածվելու սկզբնական պոտենցիալից և, հին ու բարի ավանդույթի համաձայն, տեղափոխվել է բացառապես հաշիվ մաքրելու, կաքարոզչության դաշտ:
Քարոզարշավի նման ռիթմը մեծամասամբ թելադրվում է նախ՝ իշխանության կողմից, որի ներկայացուցիչները Փաշինյանի գլխավորությամբ սահմանել են այնպիսի նշաձող, որից հետո դժվար է ակնկալել ծրագրային ու կառուցողական մրցակցություն: Դաշտը սև–սպիտակի, հեղափոխականի և հակահեղափոխականի բաժանելով՝ ստեղծվել է այն մթնոլորտը, որի ականատեսն ենք այսօր: Իշխանության ներկայացուցիչները իրենց հռչակած գունային գամմայում բնականաբար դիրքավորվել են սպիտակ և պոտենցիալ սևերի գործողություններին ուղղակիորեն կամ անուղղակիորեն արձագանքում են արդեն ֆոլկլ յորային դարձած «մարդ ա վատացե՞լ» հարցադրմամբ: «Մարդ ա վատացե՞լ». հենց այսպես կարելի է մեկ ձևակերպմամբ բնութագրել քարոզարշավի բովանդակությունն ու տրամաբանությունը:
Քարոզարշավի ընթացքին հետևելով՝ կարող ենք արձանագրել, որ իսկապես մարդ ա վատացել: Ավելի շուտ ոչ թե մարդ, այլ մարդիկ են վատացել, որովհետև հեղափոխության բերած նոր իրավիճակով ենթադրվող հեռանկարը, որտեղ քաղաքական ուժերը պետք է մրցեին ծրագրերով, փորձեին ամեն մեկն իր էլեկտորատն ուրվագծելով ու այդ էլեկտորատի խնդիրները առաջ տանելով՝ զբաղեցնել քաղաքական կոնկրետ նշաձողեր, այլևս հայտնվել է թանձր մշուշի մեջ: Արդյունքում հասարակության տարաբևեռ էությունը, որը հարստություն է ու իդեալական մեկնարկային իրավիճակ բազմազան քաղաքական դաշտ ունենալու համար, տարաբևեռության պոտենցիալը վերածել է պառակտման անդառնալի պրոցեսի՝ մարդ ա վատացել հայտնի ձևակերպման հնչյունների ներքո:
Ցավոք, այո, մարդ ա վատացել: Հայ մարդը վատացել է նոր Հայաստանում ընթացող առաջին ընտրությունների քարոզարշավի բովանդակությունից, որը հաճախ կրկնում, տեղ–տեղ էլ անցնում է նախորդ ընտրությունների ու քարոզարշավների իրարամերժ ու դեստրուկտիվ բնույթը:
Հուլիսի 14-ին՝ ժամը 12։30-ին, Հայելի ակումբի հյուրն է Ալբերտ Բազեյան
Հուլիսի 14-ին՝ ժամը 11։30-ին, Հայելի ակումբի հյուրն է Անաստաս Իսրայելյան
Հուլիսի 14-ին՝ ժամը 13։00-ին, Հայելի ակումբի հյուրն է Նարինե Դիլբարյանը
Հուլիսի 14-ին՝ ժամը 10։30-ին, Հայելի ակումբի հյուրն է Նարե Սոսեն
Հուլիսի 13-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հուլիսի 13-ին՝ ժամը 14։00-ին, Հայելի ակումբի հյուրն է Լևոն Զուրաբյանը
Հուլիսի 13-ին՝ ժամը 12։00-ին, Հայելի ակումբի հյուրն է Կարինե Նալչաջյանը
Հուլիսի 13-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հետևեք մեզ Viber-ում
