Կան ուժեր, որոնք անգամ այսօր փորձելու են կեղծել ավագանու ընտրությունները․ Հայկ Մարության

Ցավոք սրտի կան ուժեր, որոնք անգամ այսօր փորձելու են կեղծել ավագանու ընտրությունները։ Այս մասի սեպտեմբերի 15-ին, Նոր Նորքում նախընտրական քարոզարշավի հանրահավաքի ժամանակ հայտարարեց «Իմ քայլը» դաշինքի ավագանու ընտրություններին քաղաքապետի թեկնածու Հայկ Մարությանը։ «Ցավոք սրտի կան ուժեր, որոնք անգամ այսօր փորձելու են կեղծել մեր ընտրությունները, բայց մենք իրենց ասում ենք՝ չի ստացվելու, չեք կարող, որովհետեւ այս հաղթանակը, որը մենք ունենք, ժողովրդինն է, եւ մենք այս հաղթանակը ոչ ոքի չենք տալու եւ փաստացի սեպտեմբերի 23-ն այն օրն է, երբ մենք բոլորս գնալու ենք ընտրատեղամասեր եւ արձանագրենք հայ ժողովրդի հաղթանակը»,- ասաց նա։ Նոր Նորքում հրավիրված հանրահավաքին մասնակցելու է նաեւ ՀՀ վարչապետ, «Քաղաքացիական պայմանագիր» կուսակցության նախագահ Նիկոլ Փաշինյանը։