«Տեսադաշտում կան մարդիկ, ովքեր ընդունակ են ընտրակաշառք տալու». Վալերի Օսիպյան

Այսօր ոստիկանապետ Վալերի Օսիպյանը ոստիկանության խորհրդի հերթական նիստում անդրադարձել է ընտրությունների հետ կապված խնդիրներին. «Ոստիկանները պետք է չեզոք լինեն, անձնական նախասիրությունները պետք է որևէ կերպ չարտացոլվեն իրենց գործունեության վրա, և ցանկացած թեկնածուի օգտին արված խախտումը պետք է պատժվի օրենքի ամբողջ խստությամբ: Ընտրակաշառքի դեպքեր դեռևս չենք հայտնաբերել, սակայն տեսադաշտում կան մարդիկ, ովքեր ընդունակ են ընտրակաշառք տալու»: Հարցին՝ ընտրություններում ի՞նչ դեր կարող են ունենալ թաղային հեղինակությունները և «օրենքով գողերը», ոստիկանապետը հավաստիացրել է, որ նրանց մասնակցությունը կսահմանափակի միայն մեկ անգամյա քվեարկությամբ: