Ավտովթար Աէրացիա թաղամասից Գեղանիստ գյուղի խաչմերուկում. ՖՈՏՈՌԵՊՈՐՏԱԺ

Երեկ` մարտի 22-ին, ավտովթար է տեղի ունեցել Արարատի մարզում: Ժամը 23:00-ի սահմաններում Աէրացիա թաղամասից դեպի Գեղանիստ գյուղ տանող խաչմերուկում բախվել են Գեղանիստ գյուղի բնակիչ, 25-ամյա Անդրանիկ Խանսանամյանի վարած Mercedes Benz C 220 մակնիշի 34 RՏ 067 համարանիշի և Արմավիրի մարզի Արևշատ գյուղի բնակիչ, 34-ամյա Կարեն Ալեքսանյանի վարած Վազ 21099 մակնիշի 08 ՏՏ 544 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Կ. Ալեքսանյանն ու նրա ուղևոր՝ համագյուղացի, 31-ամյա Ղուկաս Փանոսյանը մարմնական վնասվածքներով տեղափոխվել են «Էրեբունի» բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի աշխատակիցները՝ դասակի հրամանատար Սանասար Հարությունյանի գլխավորությամբ: Փաստի առթիվ Հայաստանի քննչական կոմիտեի Արարատի մարզային քննչական վարչության Մասիսի քննչական բաժնում Հատկապես Կարևոր Գործերով ավագ քննիչ Շիրակ Խաչատրյանի կողմից նյութեր են նախապատրաստվում: Ֆոտոլրագրողի տեղեկություններով՝ Mercedes-ի վարորդ Ա. Խանսանամյանն աշխատում է ՀՀ Արտակարգ իրավիճակների նախարարության փրկարար ծառայության Երևանի փրկարարական վարչության Մալաթիա-Սեբաստիա փրկարարական բաժնում՝ որպես հրշեջ-փրկարար: Քննիչի հանձնարաիականով ավտոմեքենաները տեղափոխվել են ոստիկանության Մասիսի բաժնի պահպանվող հատուկ տարածք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի Ֆոտոռեպորտաժ