Պետական աջակցություն՝սահմանամերձ 37 բնակավայրերի հողօգտագործողներին

Կառավարության նիստ ում գյուղատնտեսության նախարար Արթուր Խաչատրյանը ներկայացրեց ՀՀ գյուղատնտեսության նախարարությանը գումար հատկացնելու և փաստացի ցանված աշնանացան հացահատիկային մշակաբույսերի ցանքատարածությունների համար պետական աջակցության տրամադրման կարգը հաստատելու մասին հարցը: Նախատեսվում է պետական աջակցություն տրամադրել սոցիալական աջակցություն ստացող սահմանամերձ 37 բնակավայրերի հողօգտագործողներին: Նշված 37 բնակավայրերի հողօգտագործողների կողմից 2018 թվականին 2019 թվականի բերքի համար փաստացի կատարված աշնանացան հացահատիկային մշակաբույսերի 1 հա-ի համար նախատեսվում է հատկացնել 60 հազար դրամ գումար: Որոշումը կնպաստի չմշակվող վարելահողերի կրճատմանը, պարենային ինքնաբավությանը, տարածքային անհամամասնության մեղմմանը: