Պետք է վերծանել, թե օլիգարխն ի՞նչ բան է . Գալուստ Սահակյան
Ազգային ժողովի Հանրապետական խմբակցության պատգամավոր Գալուստ Սահակյանը խայտառակություն է համարում ԱԱԾ տնօրենի և ՀՔԾ պետի զրույցը գաղտնալսելը։
«Գաղտնալսելն ու հրապարակելը պետության համար խայտառակություն է։ Նման իրավիճակներ չպետք է լինեն», - այսօր լրագրողների հետ ճեպազրույցում հայտարարեց ԱԺ պատգամավորը՝ մեկնաբանելով իրավապահ մարմինների ղեկավարների գաղտնալսված զրույցը հրապարակելը։
Անդրադառնալով Նիկոլ Փաշինյանի երեկվա հանձնարարականին՝ բոլոր օլիգարխների թիկնազորներին պառկեցնել ասֆալտին, Գալուստ Սահակյանն ասաց. «Նախևառաջ, պետք է վերծանել, թե օլիգարխն ինչ բան է: Ինչ վերաբերում է նրան, որ օլիգարխները ՀՀԿ-ից են, դա էլ շատ ճիշտ չէ: Եթե օլիգարխներ գոյություն ունեն, կոնկրետ պտի ասեն՝ էդ օլիգարխներն ովքե՞ր են: Դուք ասեք՝ ո՞վ է օլիգարխ, պատասխանեմ... Սամվել Ալեքսանյանի օլիգարխությունը ո՞րն է, որ մոտ 30-40 հազար աշխատատեղ է բացել ու մեր ժողովուրդն աշխատում է, դարձավ օլիգա՞րխ: Այլ բան է, որ աշխատանքի ընթացքում որոշակի խախտումներ կարող են տեղի ունենալ, այդ պատճառով կան համապատասխան ինստիտուտներ, որոնք քննարկում են: Ի՞նչ են արել, որ օլիգարխ են, նույնը՝ Գագիկ Բեգլարյանը....»:
Հետևեք մեզ Viber-ում
