Սասուն Խաչատրյանը՝ Լևոն Տեր-Պետրոսյանին և Սերժ Սարգսյանին հարցաքննելու մասին

«Մարտի 1-ի» գործով ՀՀ առաջին նախագահ Լևոն Տեր-Պետրոսյանը կհրավիրվի ՀՔԾ այն կարգավիճակով և այն ժամանակ, ինչպես կորոշի քննիչը։ Այս մասին այսօր լրագրողների հետ հանդիպման ժամանակ ասաց Հատուկ քննչական ծառայության պետ Սասուն Խաչատրյանը` պատասխանելով այն հարցին, թե ինչ կարգավիճակ ունի առաջին նախագահը կամ ունի որևէ դատավարական կարգավիճակ, թե ոչ։ Ինչ վերաբերում է ՀՀ երրորդ նախագահ Սերժ Սարգսյանին, ապա նա ևս դեռ չի հարցաքննվել։Սասուն Խաչահրյանի խոսքերով՝ Սերժ Սարգսյանին հարցաքննության հրավիրելու հարցը քննիչը պետք է որոշի։ «Մինչ այս պահը նպատակահարմար չի գտել, որ Սերժ Սարգսյանին հարցաքննեն: Շատ կարևոր վկա է, գուցե նաև վկա չէ, մի ստիպեք ինձ գաղտնիք բացել»,-ասաց Սասուն Խաչատրյանը: Հարցին, թե լինում են դեպքեր, երբ որոշ հարցերի Հատուկ քննչական ծառայությունը չի պատասխանում, թե դրանք նախաքննական գաղտնիքներ են, ինչու է այսօր՝ այս ձայնագրությունից հետո, Սասուն Խաչատրյանը բացահայտումներ անում, Սասուն Խաչատրյանն ասաց, որ այս բացահայտումներով ապացույցներն արդեն անհերքելի են։ «Ես սա ասում եմ, որպեսզի հասկանալի լինի, թե ինչու է արվում այս ամենը, և ինչու է նման ձայնագրություն հրապարակվում հիմա, որը մասնավոր զրույց է»,-ասաց Խաչատրյանը։