Հայտնի դաշնակահարի կինը սպանել է երկու փոքրիկ դուստրերին

Past.am-ը գրում է, որ ԱՄՆ-ում ուկրաինացի հայտնի դաշնակահար Վադիմ Խոլոդենկոյի 31-ամյա կինը՝ Սոֆյա Ցիգանկովան, սպանել է հարազատ դուստրերին։ Սպանությունից հետո կինը փորձել է ինքն իրեն սպանել։ Այժմ նա հիվանդանոցում է, որտեղից էլ բանտ կտեղափոխվի։ 5 տարեկան Նիկայի եւ մեկ տարեկան Միկելլայի մարմինները ոստիկանները հայտնաբերել են նրանց ննջարաններում։ Հայտնաբերել են նաեւ նրանց վիրավոր մորը։ Թե ինչն է ստիպել երիտասարդ կնոջը նման դաժան արարքի գնալ, հայտնի չէ։ Երեխաների հայրը՝ 29-ամյա Վադիմ Խոլոդենկոն, սպանության պահին եղել է այլ քաղաքում՝ համերգների։ Հարկ է նշել, որ նա ծնվել է Կիեւում, վերջին մի քանի տարիներին ապրում է ԱՄՆ-ում, այստեղ բավական հայտնի դաշնակահար է։