Դարդը պետք է ազգովի լացել, քանի որ Բրյուսելում դեռ ոչ մի բան չի ստացվի. Աշոտյանը՝ Փաշինյանին

«Հայաստան-ԵՄ հարաբերությունների մասին ոչ ոք չի խոսել, բացի ինձանից, հատկապես Բրյուսելից հետո։ Երբ քո երկրի վարչապետի բրյուսելյան այցը տապալված է, և Եվրամիությունը մինչև հիմա դրա մասին խոսում է և հեգնում, ապա դարդը ընդհանուր է, երկրինն է և կարելի է լացել այդ դարդը, որովհետև երկրիդ վարչապետը իր բարձունքի վրա չի գտնվել և առ այսօր էլ եվրոպական ուղղության վրա չի գտնվում, որպեսզի ապահովի Եվրոպական միության ֆինանսական և քաղաքական լիարժեք աջակցությունը Հայաստանին՝ գոնե Հայաստանի ստանձնած պարտավորությունների շրջանակում», -Ազգային ժողովի Հանրապետական խմբակցության պատգամավոր Արմեն Աշոտյանը ՀՀ վարչապետ Նիկոլ Փաշինյանի երեկվա հայտարարությունից եզրակացրել է, որ նա Հայաստան-ԵՄ հարաբերությունների մասին խոսելիս անդրադարձել է իրեն։ Պատգամավորը հիշեցրեց նախկին նախագահ Սերժ Սարգսյանի պաշտոնավարման ժամանակ ստորագրված Հայաստան-ԵՄ համաձայնագրի վավերացումը, որին կողմ էր Փաշինյանը ու հավելեց. «Դարդը պետք է ազգովի լացել, որ Բրյուսելում դեռ ոչ մի բան չի ստացվի»։