«ՀՀԿ-ական այդ ակտիվն այժմ ամենաշատն աջակցում է «Իմ քայլին»». Արմեն Աշոտյան
«Նիկոլ Փաշինյանի մոտ միակ բանը, որ ստացվել է այս ընթացքում, դա պայքարելն է ՀՀԿ-ի դեմ: Անգամ այն ժամանակ, երբ ՀՀԿ-ն չի մասնակցում ընտրություններին, էլի Նիկոլ Փաշինյանը պայքարում է ՀՀԿ-ի դեմ:Երկրի վարչապետից հասարակությունն ավելի մեծ ակնկալիքներ ունի, քան հավերժական պայքարն է նախկին իշխանությունների դեմ:Փաշինյանը «փուռն է տալիս» իր այսօրվա քաղաքական դաշնակիցներին՝ ասելով, թե որոշ ուժեր բանակցում են ՀՀԿ-ի հետ՝ ստանալու համար նրա ընտրակեղծարար ռեսուրսի աջակցությունը»,- այսօր ԱԺ-ում լրագրողների հետ զրույցում հայտարարեց ՀՀԿ փոխնախագահ, պատգամավոր Արմեն Աշոտյանը՝ հակադարձելով վարչապետ Նիկոլ Փաշինյանի հայտարարությանը:
Այդ հայտարարությունը զարմանալի է այն լրահոսի ներքո, որ գալիս է ՔՊ-ական գրասենյակներից, որտեղ ներգրավվում են նախկին ՀՀԿ-ականներ ակտիվիստներ, այսինքն՝ ՀՀԿ-ական այդ ակտիվն այժմ ամենաշատն աջակցում է «Իմ քայլը» դաշինքին:
Հետևեք մեզ Viber-ում
