Արամ Սարգսյանը վտանգ է տեսնում
ԱԺ «Ելք» խմբակցության պատգամավոր Արամ Սարգսյանը Սիրիայում Հայաստանի հումանիտար առաքելության առնչությամբ վտանգներ տեսնում է, սակայն այդ վտանգը մեծ չի համարում։ Այս մասին նա հայտարարեց այսօր՝ սեպտեմբերի 10-ին լրագրողների հետ զրույցում։ Մտավախություններ չկա՞ն, որ Սիրիա ուղարկվող զորամիավորման պատճառով Հայաստանը կարող է հայտնվել ամերիկյան պատժամիջոցների տակ ԱԺ «Ելք» խմբակցության պատգամավոր, «Հանրապետություն» կուսակցության նախագահ Արամ Սարգսյանն նշեց, որ դա նախընտրության հարց է՝ ում համար ինչն է լավ ու խնդիրներ չկան․«Վտանգ ես էլ եմ տեսնում այդ առումով, սակայն կարծում եմ՝ այդ վտանգն այդ չափի ռիսկային չի, քանի որ սակրավորի մասնագիտությունը բժշկի մասնագիտությանը հավասարեցված է, այսինքն հումանիզմին ուղղված քայլ է, որ մարդիկ տարածքը ազատում են նախկինում դրված պայթուցիկ նյութերից, ուստի կարծում եմ դրա համար դժվար թե պատժամիջոց կիրառվի: Եթե ՌԴ-ն այլեւս զենք-զինամթերք չի վաճառելու Ադրբեջանին, իմ ընկալմամբ, խնդիրներ չկան: Եթե ՌԴ-ն Արցախի հարցում կողմնակից է լինելու ժնեւյան եւ լենինգրադյան պայմանավորվածություններին եւ սուբստանտիվ բանակցություններին, ուրեմն, իմ ընկալմամբ, խնդիրներ չկան: Եթե գազի գինն էժանանալու է, ուրեմն խնդիրներ չկան»:
Հետևեք մեզ Viber-ում
