«Երևանում կա հասարակական տրանսպորտի կանգառների խնդիր». Նիկոլայ Բաղդասարյան
ՀՀ վարչապետ Նիկոլ Փաշինյանի խորհրդական Նիկոլայ Բաղդասարյանը ֆեյսբուքյան իր էջում գրել է. «Հարգելի ընկերներ. Երևանում կա հասարակական տրանսպորտի կանգառների խնդիր, բնակչությունը դժգոհում է կանգառների բացակայությունից, կանգառների սխալ տեղակայումից, կան կանգառներ, որտեղից դուրս եկող հասարակական տրանսպորտը խոչընդոտում է երթևեկությանն, այն աստիճան, որ արեստական ստեղծվում է խցանում, որոշ կանգառներ գտնվում են խաչմերուկից անչափ մոտիկ, որի արդյունքում, հասարակական տրանսպորտը կանգնելուց հետո փակում է խաչմերուկի երթևեկությունը, կանգառները չունեն միատեսակ տեսք, որոշ կանգառներում բացակայում են երթուղիների ցուցակները, աղբամանները և անհրաժեշտ այլ պարագաներ։ Հարգելի ԸՆԿԵՐՆԵՐ, եթե դուք տեղյակ եք նման կանգառների մասին ԽՆԴՐՈՒՄ ԵՄ այս ստատուսի տակ տեղադրել Ձեր առաջարկությունները, թե որտեղ պետք է ավելացնել կանգառ, որտեղ այն հանել կամ տեղափոխել, որտեղ կանգառները չեմ համապատասխանում իրենց տեսքին և տեղակայմանը, իսկ հնարավորության դեպքում խնդրում եմ տեղադրել լուսանկարներ կամ կարող եք դրանք ուղարկել ինձ անձնական նամակով»:
Հետևեք մեզ Viber-ում
