«Կրեմլին դա հաստատ զեկուցում են». Ստյոպա Սաֆարյան

Քաղաքագետ Ստյոպա Սաֆարյանը ֆեյսբուքյան իր էջում գրել է. «Քոչարյանը եթե ստրատեգիական առումով Կրեմլին պետք լիներ ու Կրեմլը լուրջ մտածեր նրան քաղաքականություն վեադարձնելու մասին, դա անցած 10 տարիներին արած կլիներ: Կրեմլը տեսնում է, որ նա հասարակության կողմից տոտալ մերժված է, պաշտպանող չունի. Կրեմլին դա հաստատ զեկուցում են: Յանուկովիչը լուրջ դաս էր Կրեմլի համար, չկասկածեք: Այժմ նա ընդամենը Պուտինին պետք է Նիկոլ Փաշինյանին մի թեթև բան հասկացնելու ու վախեցնելու համար: Ոչ ավելին: Այնպես որ՝ նրա հերթական ֆալշստարտն է, իր հետ քաղաքական գերեզմանոց կտանի նաև նրանց, ովքեր սխալ կհաշվարկեն ու խաղադրույք կկատարեն ու ջուրը չտեսած կբոբիկանան: Քոչարյանն իր դերը կկատարի որպես գործիք, հետո՝ կասեն դավայ դասվիդանիա: Նրա բոլոր քաղաքական պրոյեկտները ձախողվել են, բացառությամբ 1998թ. իշխանափոխության ու 1999թ. հոկտեմբերի 27-ի: Նա ձախողեց Վարդան Օսկանյանին իրավահաջորդ դարձնելու պրոյեկտը 2007-ին, որքան էլ Անդանիիկ Մարգարյանը անժամանակ խաղը լքեց... նրա տեղում անակնկալ փոխարինող հայտնվեց՝ Սերժ Սարգսյանը: Օսկանյանին վերադարձնելու հաջորդ փորձը տապալվեց 2012-ի խորհրդարանական ընտրություններում: 2014-ին տապալվեց քառյակի խաղը... Ու այսպես շարունակ.... Բիլիարդի տերմիններով՝ Քոչարյանը միշտ չուժոյ շառերով է խաղացել, սվոյներով երբեք չի խաղացել. Լևոն Տեր-Պետրոսյանը նրան երիցս դիպուկ է բնութագրել հանրահավաքային ելույթներից մեկում՝ նա արմունկներով կռիվ տվողներից չի եղել, միշտ նրա համար կռիվ տվողներ ու ճանապարհ հարթողներ են եղել, որոնց հետո նա, իհարկե, լիկվիդացրել է.... Այսօր նա այդ չուժոյ շառերը չունի, ճանապարհ հարթողները չունի, սվոյ շառով սովոր չէ խաղալ: Պուտինը հաստատ նրա համար չուժոյ շառ չէ, ճիշտ հակառակը՝ նա է Պուտինի համար չուժոյ շառ, որը գցելուց հետո հայտնվում է .... դարակի վրա»: