Այլևս արգելք չկա

Դպրոցներում դասաժամերի ընթացքում հեռախոսներն արգելելու արգելք չկա: «Ֆեյսբուք»-ում հրավիրած ասուլիսի ժամանակ այս մասին հայտնեց ՀՀ կրթության և գիտության նախարար Արայիկ Հարությունյանը: «Ֆրանսիայում օրենք են ընդունել, որ դպրոցներում դասաժամերի ընթացքում պետք է արգելել հեռախոսները: Շատ ծնողներ և ուսուցիչներ դիմում էին ինձ, թե ինչու մեր երկրում էլ նույնը չի կիրառվում: Ֆեյսբուքում մի գրառում արեցի, որպեսզի կարծիքներ իմանամ, և մեծամասնությունը կողմ էր, որպեսզի դասաժամերի ընթացքում հեռախոսներն արգելվեն»,- նշեց նախարարը և հավելեց, որ մի շարք վերլուծություններ ցույց են տալիս, որ դրանք շեղում են աշակերտին դասից: Նա հանդիպել է դպրոցների տնօրենների հետ և ասել նրանց, որ իրենց ցանկացած դպրոցի ուսուցիչ՝ խանգարելու դեպքում, իրավասու է կարգավորել այդ խնդիրը, խնդրելու աշակերտներին, որպեսզի պահեն իրենց հեռախոսները: