Ալբերտ Բաբայանի ունեցվածքը

«Փաստ» օրաթերթը գրում է. ՀՀ տնտեսական զարգացման և ներդրումների նախարարի տեղակալ Ալբերտ Բաբայանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2018 թ. հայտարարագիրը: Դրամական միջոցները պաշտոնը ստանձնելու օրվա դրությամբ կազմել են 1000 ամերիկյան դոլար, իսկ եկամուտները՝ 2 միլիոն 726 հազար դրամ, որից 2 միլիոն 619 հազար դրամը աշխատավարձ է, իսկ 62 հազար և 43 հազար դրամները տրված փոխառությունների՝ վարկերի դիմաց ստացված տոկոս: Բաբայանի կինը՝ Սյուզաննա Պապոյանը, նույնպես պաշտոնատար անձ է: Հայտարարագրում նրա անվան դիմաց գրված է, որ նա գլխավոր մաքսային տեսուչ է: