Բնապահպանության փոխնախարարի հայտարարագիրը

«Փաստ» թերթը գրում է. «ՀՀ բնապահպանության նախարարի տեղակալ Այսեր Ղազարյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2018 թ. հայտարարագիրը: Նա հայտարարագրել է «LEXUS GX 470» մակնիշի ավտոմեքենա և հինգ անշարժ գույք, որից երկուսը բնակարան, երեքը՝ հողամաս: Պաշտոնը ստանձնելու օրվա դրությամբ ունեցել է նաև փոխառություններ, որոնք կազմել են 18 միլիոն 500 հազար դրամ ու 16 հազար 300 եվրո: Փոխնախարարի դրամական միջոցները նույնպես քիչ չեն՝ 4 միլիոն 600 հազար դրամ, 7 հազար 800 ամերիկյան դոլար և 3100 եվրո: Դե, իսկ եկամուտներն էլ կազմել են 4 միլիոն 530 հազար դրամ և ստացվել 3 միլիոն դրամ աշխատավարձից և 1 միլիոն 530 հազար դրամ տրված փոխառությունների՝ վարկերի դիմաց ստացված տոկոսից»: Մանրամասն՝ թերթի այսօրվա համարում: