Ռուսաստանում գրանցվել է աղքատության ամենաբարձր մակարդակը

Gazeta.ru-ի փոխանցմամբ՝ 2015 թվականի արդյունքներով աղքատ ռուսաստանցիների թիվն աճել է 3.1 միլիոն մարդով՝ հասնելով 19.2 միլիոն մարդու։ «Ռոսստատ»-ի պնդմամբ՝ դա բացարձակ ռեկորդ է՝ սկսած 2006 թվականից։ 2014 թվականին Ռուսաստանում աղքատների թիվը կազմել է 16.1 միլիոն մարդ, ճգնաժամային 2008-2009 տարիներին՝ համապատասխանաբար 19 և 18.4 միլիոն մարդ, 2006 թվականին՝ 21.6 միլիոն մարդ։ 2015 թվականի արդյունքներով ռուսաստանցիների ընդհանուր թվում աղքատների մասնաբաժինը կազմել է 13.4 տոկոս՝ 2014 թվականի 11.2 տոկոսի դիմաց։