Այլասերության այդ քարոզին նպաստում են «Դաշնակցությունը», «Քաղաքացիական պայմանագիրը»

Երևանի Կոմիտասի անվան կոնսերվատորիայի պրոֆեսոր, խմբավար Տիգրան Հեքեքյանը, «Քրիստոնյա ժողովրդական վերածնունդ կուսակցության նախագահ Սոս Գիմիշյանը և «Համահայկական ծնողական կոմիտե» ՀԿ նախագահ Արման Բոշյանն այսօր լրագրողների հետ հանդիպմանը հայտարարեցին, որ իրենք պահանջում են, որպեսզի Ազգայի ժողովը այլասերությունը քարոզումն արգելող օրենք ընդունի: «Այս թեման անընդհատ եռացվում է: Սա անթույլատրելի է և հատկապես վտանգավոր է երեխաների համար»,-ասաց Արման Բոշյանը; Տիգրան Հեքեքյանի համոզմամբ էլ՝ վերջին շրջանում այլասերության քարոզն ագրեսիվացել է: «Մենք հասկանում ենք, որ դա հենց այնպես չի լինում, այլ հրահրվում է, սակայն ինձ անհանգստացնում է, որ հասարակությունը անտարբեր է, իներտ: Մի բան, որ անընդհատ ցույց տան, քար ծակող կաթիլի նման կընդունվի որպես նորմալ: Մեր Ազգային ժողովում հայ լուրջ, ադաթով տղամարդիկ լիքն են, ո՞նց են օրենքներ ընդունում, որ կարող ես ապշել: Մենք ոնց որ վտանգի զգացողությունը կորցրած ազգ ենք»-ասաց նա Սոս Գիմիշյանն էլ հավելեց, որ սա նախևառաջ ազգային անվտանգության խնդիր է և այլասերության այդ քարոզին նպաստում են նաև հայկական քաղաքական ուժերը, ինչպիսին «Դաշնակցությունն» է, «Քաղաքացիական պայմանագիրը»: