Ռուբեն Եգանյանն իր հիասթափություն է հայտնել ներկայիս իշխանություններից
Դեմոգրաֆ Ռուբեն Եգանյանն այսօր լրագրողների հետ հանդիպմանն ասել է, որ միգրացիայի խնդիրը մշտապես քաղաքականացվում է: «Այդպես էին վարվում նախորդ իշխանությունները: Օրինակ, բացասական սալդոն նվազում էր, եւ դա նրանք գնահատում էին որպես սեփական ձեռքբերում»,- տեղեկացրել է մասնագետը: Նա հիասթափություն է հայտնել ներկայիս Հայաստանի իշխանություններից՝ հայտարարելով, որ նրանք, ըստ էության, շարունակում են իրենց նախորդների քաղաքականությունը, քանի որ Հայաստանի ներկայիս քաղաքական ղեկավարության կողմից օգտագործվող տվյալները ոչ մի ընդհանուր բան չունեն միգրացիայի տվյալների հետ, քանի որ խոսքը կամ միգրացիոն հոսքերի ժամանակավոր կրճատման մասին է կամ կապված է զբոսաշրջային հոսքի աճի հետ: «Միգրացիան ունի նաեւ արտաքին նշաններ, որոնք շատ ավելի կարեւոր են, քան ներքինները: Հիմնականում դա կապված է Ռուսաստանի Դաշնությունում ստեղծված իրավիճակի հետ, մասնավորապես՝ Ռուսաստանից դեպի Հայաստան ուղարկվող տրանսֆերների», -ասել է Եգանյանը, այնուհետև հավելել. «Իմ կարծիքով, այժմ ավելի հեշտ է կասեցնել միգրացիոն գործընթացը, քան ապահովել մարդկանց հոսքը դեպի Հայաստան»:
Հետևեք մեզ Viber-ում
