Ինչ մեխանիզմ է առաջարկում Փաշինյանը բուհերին

Վարչապետ Նիկոլ Փաշինյանը «Ֆեյսբուք»-ի իր էջի ուղիղ եթերով ներկայացնում է տնտեսական ռազմավարության դրույթները:  ՀՀ վարչապետն, իր էջում ուղիղ եթերի մասին ծանուցելով, նշել է. «Եթե հիշում եք, օգոստոսի 17-ի հանրահավաքում ասացի, որ ելույթիս տնտեսական մի հատված հետաձգում եմ և կներկայացնեմ առաջիկայում: Այսօր ժամը 20.00-ին իմ այս էջի ուղիղ եթերում կներկայացնեմ տնտեսական ռազմավարության մի քանի դրույթներ: Իսկ ստորեւ բերված պատկերը ձեռքի տակ ունենանք՝ որպես աշխատանքային թուղթ»: |Այնուհետև Նիկոլ Փաշինյանն անդրադարձավ կրթության արտահանման անհրաժեշտությանը. «Մեր բուհերը շատ լուրջ պրոբլեմ ունեն՝ դիմորդների պակասի խդիր: Բացառություն է միայն ԵՊԲՀ-ն, որովհետև այս բուհը արտերկրից բազմաթիվ ուսանողների է ներգրավել, ինչը հնարավորություն է տալիս չունենալ դիմորդի ու ուսանողի, հետևաբար և՝ ֆինանսավորման խնդիր: Ես նկատի ունեմ, որ մեր բուհական համակարգը միտված լինի արտերկրից ուսանողներ բերելուն: Պետք է ստեղծել գին-որակ այնպիսի համադրություն, որ հնարավոր լինի արտերկրից ուսանողների շահագրգռել՝ գալ սովորել Հայաստանում»: