«Վճռական և կտրուկ գործողություններն այս պահին անհրաժեշտություն են»․ Բորիս Նավասարդյան
Երևանի մամուլի ակումբի նախագահ Բորիս Նավասարդյանը «Ֆեյսբուք»-ի իր էջում գրել է. «Վճռական և կտրուկ գործողություններն այս պահին անհրաժեշտություն են: Եվ, իհարկե, առաջին հերթին այդ վճռականությունը պետք է հասցեագրվի նրանց, ովքեր դիմադրում են հեղափոխությանը: Համոզված եմ, որ այս ճակատում ամեն ինչ ճիշտ հունով կընթանա: Բայց գոնե 100 օր անց երկրի ղեկավարը պիտի վճռականություն դրսևորի նաև թիմակիցների նկատմամբ: Արդեն ակնհայտ է, որ նրանցից ոչ բոլորն են համապատասխանում զբաղեցրած պաշտոններին: Անուններ չեմ տալու, քանի որ առանձին պաշտոնյաների հաշվով կարող եմ և սխալվել: Սակայն վարչապետը շատ լավ տեղյակ պիտի լինի, ովքեր անարդյունավետ են աշխատում, ավելի լավ է պատկերացնում կադրային ռեսուրսն ու համապատասխան փոփոխություններ իրականացնի: Դա բոլորովին չի նսեմացնելու ձախողված պաշտոնյաների դերն ապրիլ֊մայիսյան իրադարձություններում, բայց այն օրերի ծառայությունները չեն փոխհատուցում անհամապատասխանությունը այսօրվա զբաղեցրած պաշտոններին: Կասկած չունեմ նաև, որ պաշտոնանկությունները վնաս չեն հասցնի նոր իշխանությունների հեղինակությանը և չեն թուլացնի հեղափոխական գործընթացը: Հակառակը` դրանք միայն կհզորացնեն հանրային աջակցությունը կառավարությանը»:
Հետևեք մեզ Viber-ում
