Արայիկ Հարությունյանի՝100 օրում արածն ու չարածը
Հայաստանի Հանրապետության կրթության և գիտության նախարար Արայիկ Հարությունյանն ամփոփել է նախարարի պաշտոնում գործունեության 100 օրը: Արայիկ Հարությունյանի աշխատանքային 100-օրվա ընթացքում կատարված հիմնական աշխատանքները.
Հանրապետության 201 համայնքում 2019 թվականից սկսած կընդլայնվեն նախադպրոցական ծառայությունների ներդրման և մատուցման միջոցով նախադպրոցական կրթության մատչելիության և հասանելիության այլընտրանքային մոդելները: Իրականացվել են հանրակրթական և բարձրագույն ուսումնական հաստատությունների կառավարման համակարգի փոփոխությանն ուղղված միջոցառումներ, որոնք միտված են ուսումնական հաստատությունների ապակուսակցականացմանը և ԲՈՒՀ-երի ինքնավարության աստիճանի բարձրացմանը: Կրթության և գիտության նախարարությունն ու մշակույթի նախարարությունը համատեղ ներկայացրել են աբոնեմենտ տրամադրելու ծրագիր, որի շրջանակում բոլոր դպրոցներից յուրաքանչյուր աշակերտ կկարողանա այցելել թատրոն, պատկերասրահ/թանգարան, համերգասրահ: Արդյունքում ակնկալվում է նշված հաստատություններ այցելությունների տարեկան աճ՝ մինչև մեկ միլիոն: Իրականացվել է Հայաստան գերհամակարգիչների ներմուծման ծրագիր: Կրթության ոլորտի բոլոր բարեփոխումները այսուհետև կիրականացվեն ԿԳՆ հովանու ներքո՝ պետական և մասնավոր, ինչպես նաև դոնոր համայնքի հետ սերտ համագործակցության միջոցով: Հայաստանը միացել է աշխարհի 17 պետություններին, որոնք դառնում են Մարդկային կապիտալի զարգացման ինդեքսի վաղ ներդնող։ Մասնակցությունը ծրագրին կնպաստի մարդկային կապիտալի զարգացման ռազմավարության մշակմանը, ինչպես նաև կխթանի ներդրումների հոսք կրթության, սոցիալական և առողջապահության ոլորտներում։
Հետևեք մեզ Viber-ում
