Իհարկե, պատրաստ եմ Նիկոլ Փաշինյանի հետ խոսել . Ռոբերտ Քոչարյան
«Այդ վերադարձը կարող է լինել տարբեր ֆորմատներով: Վերադարձի պատճառներից առաջինն աշխարհաքաղաքական իրավիճակից ելնելով եղած վտանգներն են, իսկ երկրորդը՝ ներքին: Համարեք, որ վերադարձել եմ»,-այսօր «Երկիր մեդիա» ՀԸ եթերում հարցազրույցի ժամանակ հայտարարել է ինքը Քոչարյանը: Պատրաստ եք հանդիպել ՀՀ վարչապետ Նիկոլ Փաշինյանի հետ, զրուցել Արցախյան հիմնախնդրի վերաբերյալ,հարցրել է Գեղամ Մանուկյանը,ինչին Ռ. Քոչարյանը պատասխանել է. «Այո, իհարկե, պատրաստ եմ Նիկոլ Փաշինյանի հետ խոսել, իհարկե պատրաստ եմ, երբեք չեմ խուսափել բանակցություններից։ Դա, կարծում եմ, համարձակություն է, և պետք չէ նապաստակի պես փախչել, թաքնվել»։ Ռ. Քոչարյանն ասել է, որ 3 օր է, կառավարությունն զբաղվում է հանրահավաքի կազմակերպմամբ: «Որտեղի՞ց այդքան ժամանակ կառավարությանը, մարդիկ զբաղվում են նրանով, ինչը հասկանում են, իրենց կոմֆորտային գոտին սա է: Իրենք առաջին հերթին իրենց գործով պիտի զբաղվեն»: Երկրորդ նախագահն ասել է, որ իր պաշտոնավարման ժամանակ ինքը դրա ժամանակը նույնիսկ չուներ: Կոռուպցիայի դեմ պայքարի վերաբերյալ էլ նա ասել է, որ կոռուպցիա միշտ էլ կա, նույնիսկ հիմա կա ԱՄՆ-ում, սակայն իր պաշտոնավարման ժամանակ այդ կոռուպցիոն բուրգը չի եղել:
Հետևեք մեզ Viber-ում
