Նա այդ համոզմունքի կրողն է ու պետք է ինքնաբացարկ հայտներ.ՀՔԾ պետ
Կառավարության նիստից հետո լրագրողների հետ զրույցում ՀՔԾ պետ Սասուն Խաչատրյանը ասաց,որ դատավոր Ալեքսանդր Ազարյանը դատական նիստի ժամանակ հայտարարել է, որ աշխատել է 2-րդ նախագահի աշխատակազմում և որ անկախ այդ հանգամանքից, կաշկանդվածություն չունի գործի քննության հետ կապված: «Բայց ես այս մասին չեմ ուզում խոսել: Իմ համոզմամբ՝ նա պետք է բացարկ հայտներ այս գործով, որովհետև Մարտի 1-ի գործերով 9 մեղադրական դատավճիռներ է կայացրել ու այնպիսի ՜ ձևակերպումներով... օրինակ, խաղաղ ցուցարարներին ամբոխ բնութագրելով և այլն: Այսինքն, նա այդ համոզմունքի կրողն է ու պետք է ինքնաբացարկ հայտներ»,-ասաց նա:
Հետևեք մեզ Viber-ում
