Խաչատուրյան քույրերի՝ հոր կողմից ծեծի ենթարկվելուց հետո արված լուսանկարները

57-ամյա Միխայիլ Խաչատուրյանի կենդանության օրոք արված լուսանկարներում երևում է,  որ հորը դաժանաբար սպանած երեք քույրերը՝ Կրիստինա, Անգելինա և Մարիա Խաչատուրյանները ծեծված են: Ինչպես նշում է news.rambler.ru-ն, 17, 18 և 19 տարեկան քույրերի պատմելով՝ իրենք հոր ամեն մի ծեծից հետո լուսանկարվել են ու բռնության ապացույցները պահել: Նույնը հաստատել է նաև աղջիկների մայրը՝ ծագումով մոլդովացի Աուրելիա Դունդուկը, ում պնդմամբ՝ նախկին ամուսինը պարբերաբար ծեծել է դուստրերին: Դունդուկը մանրամասնել է, որ դուստրերը շոկային լուսանկարները հեռախոսով իրեն են ուղարկել: Լուսանկարներից մեկում 18-ամյա Անգելինան է, որի ճակատն արնահոսում է: Մյուս լուսանկարներում երևում են քույրերի կապտուկները: