Պատմական այցը` զբոսաշրջային բումի պատճառ

Կուբայում իսկական զբոսաշրջային բում է՝ ԱՄՆ նախագահ Բարաք Օբամայի այցի նախօրեին: Հավանայի հյուրանոցներում ազատ տեղեր չեն մնացել, շատ մասնավոր բնակարաններ ու տներ ամրագրվել են մի քանի շաբաթ առաջ, իսկ վարձույթով ավտոմեքենա վերցնել կհաջողվի միայն նրանց, ովքեր նախապես են մտածել այդ մասին՝ գրում է RIA Novosti-ն: Տեղեր չկան ո՛չ մեկ գիշերվա համարը 500 դոլար արժեցող հյուրանոցներում, ո՛չ 250 դոլար: Կուբայում վարձակալությամբ են տրվում նաև սենյակներ: Առանձնատներում սենյակներն արժեն 100-150 դոլար և ավելին: «Օբաման, «Ռոլլինգները», ԱՄՆ-ի հետ բեյսբոլի առաջնությունը՝ այդ ամենը միաժամանակ են»,- ասում են զբոսաշրջային ընկերությունների աշխատակիցները: Այդ երկիրը մի քանի օր վայելելու և իսկական Կուբան տեսնելու նպատակով պետք է նախապես մտածել: Անցյալ տարի Կուբա է այցելել 3.5 մլն զբոսաշրջիկ: