Առաջատարը հաղթեց

Ֆուտբոլի Անգլիայի Պրեմյեր լիգայի 31-րդ տուրում Լոնդոնի «Չելսի»-ն սեփական հարկի տակ ընդունեց «Վեսթ Հեմ»-ին: Հյուրերին հաջողվեց երկու գնդակ ուղարկել «Չելսի»-ի դարպասը, իսկ Ֆաբրեգասի դուբլը փրկեց «ազնվականներ»-ին պարտությունից: Ինչ վերաբերում է առաջատար «Լեսթեր»-ին, «աղվեսներ»-ը կարողացան նվազագույն հաշվով առավելության հասնել «Քրիսթալ Փելես»-ի նկատմամբ: Ստորև ներկայացնում ենք նաև ավարտված մյուս խաղերի արդյունքները: Անգլիայի Պրեմյեր լիգա. 31-րդ տուր. «Չելսի» – «Վեսթ Հեմ»՝ 2:2 Գոլերը՝ 17´ Լանսինի(0:1), 45+3´ Ֆաբրեգաս(1:1), 61´ Քերոլ(1:2), 88´ Ֆաբրեգաս(2:2, 11-մետրանոց) «Վեսթ Բրոմվիչ» – «Նորվիչ»՝ 0:1 Գոլը՝ 50´ Բրեյդի «Քրիսթալ Փելես» – «Լեսթեր»՝ 0:1 Գոլը՝ 34´ Ռիյադ Մահրեզ «Ուոթֆորդ» – «Սթոք Սիթի»՝ 1:2 Գոլերը՝ 18´ Ուոլթերս(0:1), 51´ Խոսելու(0:2), 86´ Դինի(1:2): Նշենք, որ Երևանի ժամանակով 21:30-ին տեղի է ունենալու այսօրվա վերջին՝ «Սուոնսի» – «Ասթոն Վիլա» խաղը: