Հայաստան սպառազինության մատակարարումների հարցում խնդիրներ չկան. ՌԴ ՊՆ փոխնախարար
«Կոմերսանտ»-ի տեղեկատվությունը, թե հարցականի տակ է 100 միլիոն դոլարի վարկի շրջանակում նախատեսված ռուսական նոր սպառազինության մատակարարումը Հայաստանին, ստույգ չէ: Այս մասին հայտարարել է Ռուսաստանի պաշտպանության նախարարի տեղակալ, գեներալ-գնդապետ Ալեքսանդր Ֆոմինը: «Դա ոչ ստույգ ինֆորմացիա է, ամեն ինչ աշխատում է»,- ասել է ռուս գեներալը: Հիշեցնենք, «Коммерсант» պարբերականը գրել էր, որ Մոսկվայի և Երևանի հարաբերություններում առաջացած պառակտումը կարող է բացասական ազդել Հայաստանին ռուսական զենքի մատակարարման վրա: «ՌԴ ռազմական արդյունաբերության երկու ձեռնարկությունների թոփ մենեջերների խոսքով՝ պայմանագրի երկրորդ փաթեթի իրականացումը, որով Հայաստանը պետք է ստանար 100 միլիոն դոլարի վարկ՝ այժմ գտնվում է «մեծ հարցականի տակ»։ Այս պահին այնքան էլ հասկանալի չէ՝ ինչ է նրանց մոտ իրականում տեղի ունենում», - ասվում է հրապարակման մեջ:
Հետևեք մեզ Viber-ում
