Մեր երեխաներին պետք է բացատրենք, որ «պրեստիժնի» է ոչ թե հանցագործ լինելը, պատերի տակ պպզելը, այլ կրթությունը. Փաշինյան

Մենք մեր դպրոցական երեխաներին պետք է բացատրենք, որ «պրեստիժնի» է ոչ թե հանցագործ լինելը և պատերի տակ պպզելը, այլ եթե դու առնվազն երկու օտար լեզու չմացար, դու խնդիր ես ունենալու: Այս մասին, նախօրեին Սանկտ Պետերբուրգում հայ գործարարների հետ հանդիպման ժամանակ նշել է ՀՀ վարչապետ Նիկոլ Փաշինյանը: «Քո խնդիրն է այսօր երկու օտար լեզու իմանալը, մասնագիտություն ու կրթություն ունենալը: Ավելի քիչ հաց ուտել, այո, մի քիչ նեղվել հագուստից, խնայել ու կրթության վրա ծախսել: Իհարկե, պետությունն էլ պետք է ապահովի, որ այդ կրթությունը հասանելի լինի»,-ասաց Փաշինյանը: Նա նշեց, որ իրենք անընդհատ այսբերգի երևացող կողմը տեսնում են ու ճիշտ են անում, բայց պետք է տեսնել նաև չերևացող մասը. «Հիմա մենք այդ երևացող մասը կտրել ենք, բայց տակը հսկայական բան կա, որ պետք է հետևողական դրա վրա աշխատենք»,-հայտարարեց ՀՀ վարչապետը: