Հայկոն ու Ալենը կռիվ չեն արել

Երեկու օր առաջ տեղի ունեցավ Քաղաքացիական պայմանգիր կուսակցության վարչության նիստը, որի ժամանակ քննարկվում էր կուսակցության Երևանի քաղաքապետի թեկնածուի հարցը: Ինչպես հայտնի է, այս պահին կուսակցությունում նման հավակնություններ ունեն դերասան Հայկ Մարությանը, պատգամավոր Ալեն Սիմոնյանը, Սոցիալական ապահովության նախարարության փոխնախարար Զարուհի Բաթոյանը և վարչապետի օգնական Սրբուհի Ղազարյանը: Երեքշաբթի օրը ելույթներով են հանդես եկել Հայկ Մարությանն ու Սրբուհի Ղազարյանը: Մյուս երկու թեկնածուները ելույթ կունենան կիրակի օրը: Սակայն այսօր մամուլում լուրեր տարածվեցին, որ վերընշյալ նիստի ժամանակ վիճաբանություն է տեղի ունեցել վաղեմի ընկերներ Հայկ Մարությանի և Ալեն Սիմոնյանի միջև: Լուրի իսկությունը պարզելու նպատակով մենք կապ հաստատեցինք պատգամավորի հետ, ով մեզ հավաստիացրեց, որ նման բան չի եղել, տեղեկությունը բացարձակապես չի համապատասխանում իրականությանը: