«ՃՈ-ն բացարձակ անգործության է մատնված». Նարինե Մկրտչյան

Մամուլի ազգային ակումբի նախագահ Նարինե Մկրտչյանը «Ֆեյսբուք»-ի իր էջում գրել է. «Երևանի ճանապարհատրանսպորտային երթևեկությունը սոսկալի է: Միշտ էլ վատ է եղել, բայց հիմա, մեծացող անիշխանության այս պայմաններում, այն դառնում է անտանելի: ՃՈ-ն բացարձակ անգործունեության է մատնված, այնպիսի տպավորություն է, որ եթե ճանապարհատրանսպորտային ոստիկաններն օրինախախտ վարորդներից կաշառք չեն վերցնում, ապա չեն էլ ուզում աշխատել: Ես միշտ կողմ եմ եղել, որ փողոցներոմ ՃՈ ոստիկաններ չլինեն, բայց, ցավոք, կյանքը ցույց տվեց, որ հայաստանցի վարորոդների մեծ մասը արտաքին վերահսկողության բացակայության դեպքում, դառնում է օրինախախտ՝ վտանգելով ոչ միայն իր, այլ այլոց կյանքը: Քանի դեռ ՀՀ քաղաքացիների մեծ մասը չի կարողանում հասկանալ, որ երևթեկության գրված և չգրված օրենքները պահպանելու համար են, ոչ թե ցուցադրաբար խախտելու, ՃՈ-ն պետք է կարգուկանոն հաստատիի: Հատկապես՝ տաքսի ծառայությունների վարորդների վրա, որոնք սոսկալի են վարում: Նման իրավիճակում արագաչափերից հրաժարվելը շռայլություն է դառնում: ՃՈ-ն ոչ թե պետք է պատժիչ մարմին դառնա, այլ երթևեկության կարգը պահպանող և վերահսկող: Բացի այդ, Երևանի լուսակիրները սկսել են արագորեն անհետանալ, չնայած նոր չեն անհետացել, բայց և չեն էլ տեղադրվում: Անգամ «Հանրապետության» հրապարակի խաչմերուկում լուսակիր չկա, «Գործարանային» մետրոյի շրջանաձև վտանգավոր խաչմերուկում չկա, Արշակունյաց 278 հասցեում չկա՝ Հյուսիս-Հարավ ճանապարհի բանուկ հատվածում, ընդ որում, այդտեղ գործող ավտոտեխսպասրակման կետը ուղղակի բռնագրավել է կանգառը՝ դրա ամբողջ երկայնքով և հենց խաչմերուկի վրա մեքենաներ կայանելով: Նման ծառայությունները, այդ թվում նաև՝ մեքենաների լվացման ծառայությունները, բռնագրավել են Երևանի մայթերը և այդ հատվածը հաղթահարելու համար պետք է փողոցով անցնել, որտեղով սուրում են օրինախխատ վարորդները: Քաղաքային իշխանությունը այդ հարցը միշտ էլ անտեսել է: Հայաստանում քաղաքային իշխանություն չկա՝ աղբահանությունը զորյական է, ճանարհատրանսպորտային ոստիկանություն չկա: Հայաստանում միայն պաշտոնյաներ են և նրանց բազում օգնականները, որոնք իրենց կաբինետներից գլուխները չեն հանում, տեսնեն, թե ինչ է կատարվում մայրաքաղաքում: Մարդ չգիտե, թե ինչպես անցնի փողոցը, եթե հետիոտն է և ինչպես խուսափի մեքենաների գրոհից, եթե վարորդ է»: