Կարո՞ղ է հանրության մոտ հարց առաջանա, որ դուք խաբել եք. Սերգեյ Բագրատյանը՝ Խոսրով Հարությունյանին (video)

Այսօր ԱԺ-ում Ընտրական օրենսգրքի փոփոխման քննարկման ժամանակ ՀՀԿ-ական պատգամավոր Խոսրով Հարությունյանը հանդես եկավ առաջարկներով: Խոսրով Հարությունյանը կարևորում է, որպեսզի ընտրություններին յուրաքանչյուր կուսակցություն ներկայացնի կառավարության ապագա իր կազմը: Ծառուկյան դաշինքի պատգամավոր Սերգեյ Բագրատյանը հետաքրքրվեց Խոսրով Հարությունյանից, արդյոք այս առաջարկով հանրապետականները չեն փորձում չեզոքացնել այն ուժերի առավելությունն, ովքեր չեն ներկայացնի իրենց կազմը. «Այս առաջարկը հնարավորություն է տալիս ձևավորել որակյալ քաղաքական համակարգ: Որպեսզի չմտածեք, թե այս առաջարկը կապ ունի այսօր տիրող դրության հետ, ապա նշեմ, որ այս առաջարկով ես հանդես եմ եկել դեռ 2001թ.-ին»: Սերգեյ Բագրատյանը նաև հարցրեց՝ հնարավո՞ր է, որ նախարարների այն թեկնածուները, ովքեր չարդարացնեն իրենց քարոզարշավի ընթացքում հետագայում փոխվեն, այդպիսով հանրությունն իրեն խաբված զգա, Հարությունյանը պատասխանեց. «Եթե որևէ կուսակցություն ցանկանում է դառնալ ամենաազդեցիկը, ապա առաջին բանը որ կանի, դա բաց ու համարձակ իր նախարարներին ներկայացնելն է: Որևէ կուսակցություն, եթե չի համաձայնվի ներկայացնել իր կազմը,ապա ինքն իրեն կդնի անհարմար պայմանների մեջ: Իսկ, երբ որևէ թեկնածու կձախողի, ապա կուսակցությունը կարող է մեկնաբանություններով հանդես գալ»: Առավել մանրամասն՝ տեսանյութում.