ԵԿՄ-ի նոր սկանդալը շուտով կպայթի. անդամների կեսը նախագահ է ուզում, մյուսները դեմ են
«Երկրապահ» կամավորականների միության և կառույցի արդեն նախկին նախագահ Մանվել Գրիգորյանի շուրջ սկանդալային աղմուկը փոքր-ինչ թուլանալուց հետո ԵԿՄ փորձում է վերադառնալ բնականոն աշխատանքի: Միությունը պատրաստվում է սեպտեմբերին արտահերթ համագումար հրավիրել, ձևավորել նոր վարչություն և ընտրել նոր նախագահ: Այս տեղեկությունը «Հայկական ժամանակ»-ի հետ զրույցում փոխանցեց ԵԿՄ փոխնախագաներից Համլետ Հայրապետյանը:
«Այս տարվա սեպտեմբերի առաջին շաբաթում «Երկրապահ» կամավորականների միություն հասարակական կազմակերպությունը նոր նախագահ կընտրի: Նոր վարչությունը ձևավորվելու է նույն հագումարի ժամանակ: Հին վարչությունը, որը դեռ գործում է, նիստ է հրավիրելու և որոշում է կայացնելու՝ առաջիկա համագումարի անցկացման մասին: Որոշումից հինգ օր հետո տեղի է ունենալու նոր համագումար»,- մասնավորապես, ասաց Հայրապետյանը:
Հետևեք մեզ Viber-ում
