Կոռուպցիոն նոր բացահայտում զորամասերից մեկում

Այսօր Փանիկում պաշտպանության նախարար Դավիթ Տոնոյանը, խոսելով իր գլխավորած ոլորտում կոռուպցիոն դեպքերի բացահայտումների մասին, ասել է, որ պաշտպանության նախարարությունը մեծ ջանքեր է ներդնում այդ հարցում: «Հիմա էլ ավելի թափով են ընթանում գործողությունները, քանի որ նոր իրավիճակում ենք գտնվում, նոր կառավարությունը նոր նշաձող է հաստատել, պաշտպանության նախարարությունում բավականին մեծ աշխատանք է գնում։ Ես կարող եմ ուղղակի ձեզ տեղեկացնել, որ ընդամենը երեկ մենք բացահայտում ենք արել զորամասերից մեկում՝ սննդամթերքի հետ կապված, վատնում է եղել, որի վերաբերյալ քրեական գործ է հարուցվել»։