«Պաշտոնապես հայտարարում եմ, թե՛ շինարարները, թե՛ ինժեներները, թե՛ տեխհսկողները պատասխան են տալու ». նախարար

Հյուսիս-հարավ ճանապարհի կառուցման վերաբերյալ հրավիրված ասուլիսի ժամանակ  Տրանսպորտի, կապի ու ՏՏ նախարար Աշոտ Հակոբյանն անդրադարձել է  հասարակությանը հուզող՝ ճանապարհների որակի հարցին. «Երևան-Արտաշատ, Երևան-Աշտարակ առաջին տրանշում հայտնաբերվել են թերություններ, որոնք վերացվել են ու վերացվում են: Պաշտոնապես հայտարարում եմ, որ և՛ շինարարները, և՛ ինժեներները, և՛ տեխհսկողները, բոլորը հավասարապես պատասխան են տալու որակի համար:Պատրաստակամ ենք մեր ամբողջ ներուժը ներդնել և հասարակական վերահսկողությունը ուժեղացնել ծրագրի նկատմամբ։ Բացում ենք նոր էջ, որտեղ ամեն ինչ կլինի թափանցիկ»: Վերջին տարիներին անընդհատ քննարկվում է, որ ծրագրի իրականացման գործընթացում ահռելի գումարներ են մսխվել: Չեմ ուզում անդրադառնալ՝ մինչ այսօր կատարված աշխատանքներում եղե՞լ են հափշտակություններ, թե՞ ոչ, դրանով զբաղվում են իրավապահները: Կարող եմ պաշտոնապես հայտարարել, որ ամենաբարձր օժանդակությունը կցուցաբերեմ իրավախախտումները բացահայտելու հարցում, կանեմ ամեն ինչ, որ խախտումները բացառվեն ընդհանրապես,ասաց նախարարը: Նախարարի խոսքով` որոշ հատվածներում խախտումներ են հայտնաբերվել, որոնք պետք է շտկեն շինարարներն իրենց միջոցներով, քանի որ ճանապարհը  երաշխիքային ժամկետում է։ Աշոտ Հակոբյանն ընդգծեց` նախապես հայտարարվել էր, որ ծրագիրը կարժենա 1 միլիարդ դոլար, սակայն այժմ պարզ է, որ այդ թիվն աճելու է: Նախարարը նշեց, որ ճանապարհի շինարարության ձգձգման հիմքում առկա են խնդիրներ, որոնք բարդացնում են աշխատանքների հնարավորինս արագ իրականացումը դրանք են խնդիրներ՝ չձևակերպված տարածքների հետ, կադաստրային անճշտությունների հետ, չձևակերպված ժառանգությունների հետ, և արասահմանում գտնվող քաղաքացիներից լիազորգրեր ստանալու հետ Նախարարը օգտվելով առիթից ծրագրի իրականացման հետ կապված հայցեց բնակչության` հատկապես վարորդների ներողամտությունը, կոչ անելով վարորդներին զգոն լինել վթարներից խուսափելու համար: