Ինչ ունեցվածք ունի Վանաձորի քաղաքապետը

«Փաստ» օրաթերթը գրում է, որ Վանաձորի քաղաքապետ Մամիկոն Ասլանյանը նախորդ տարի 8 միլիոն 200 հազար դրամով վաճառել է իր «TOYOTA LAND CRUISER 100 4.5 I» մակնիշի ավտոմեքենան, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2017 թ. տարեկան հայտարարագրից: Դրամական միջոցները 2017 թ. սկզբին կազմել են 15 միլիոն 450 հազար դրամ, իսկ տարեվերջին՝ 21 միլիոն 850 հազար դրամ: Տարեկան եկամուտներն էլ ստացվել են աշխատավարձից ու կազմել 3 միլիոն 156 հազար դրամ: Ասլանյանի՝ մեկ այլ հայտարարագրից էլ տեղեկանում ենք, որ նա, 2016 թ. ստանձնելով Վանաձորի քաղաքապետի պաշտոնը, հայտարարագրել էր երկու անշարժ գույք՝ հողամաս ու բնակարան, ինչպես նաև արդեն իսկ վաճառված իր մեքենան: Հոդվածն ամբողջությամբ կարող եք կարդալ «Փաստ»-ի՝ 18.07.18թ. համարում: