«Արդյո՞ք չկա նաև ռադիոակտիվ տարրերով աղտոտման վտանգ, եթե Ամուլսարում թույլ տանք որևէ հանքի գործարկում». ՀԲՃ

Հայկական բնապահպանական ճակատի ֆեյսբուքյան էջում կարդում ենք. Սա Ամուլսարի ուրանի հանքերևակման քարտեզն է։ Ուսումնասիրություններն այս տարածքում արվել են 1952-1954թթ․, որոնք հաստատել են ցրված ուրանի, թորիումի և ռադիումի առկայությունն այս տարածաշրջանում։ Հաշվետվության մեջ հստակ նշված է, որ ռադիոակտիվության մակարդակները բարձր են բազմաթիվ հատվածներում։ Կան նաև ջրերում և աղբյուրներում ռադոնի մակարդակի զգալի գերազանցումներ։ Մի հատվածում նաև հաշվարկվել են 75,8 տոննա ուրանի նախնական պաշարներ։ Արդյո՞ք չկա նաև ռադիոակտիվ տարրերով աղտոտման վտանգ, եթե Ամուլսարում թույլ տանք որևէ հանքի գործարկում։ Հետևությունները թողնում ենք ձեզ․․․