Մարդիկ ասում են՝ 1-2 ամիս կանցնի, և կմոռանան, կսկսեն կոռուպցիոն սխեմաներ գործել. ՀՀ վարչապետ

«Աշխատանքի շուկայում պահանջներն անընդհատ մեծանում են, այլ խնդիր է, թե պետական համակարգում արդյոք ամենաարժանիներն են ստանում աշխատանք, թե ոչ: Կա այդ խնդիրը, և՛ դա, և՛ գործազրկությունը մի գործողությամբ հնարավոր չի լուծել, մի քանի շթղայական գործողություններ պիտի լինեն:Պետական մակարդակով կադրային բանկ ստեղծելու նպատակ կա, որտեղ աշխարհի յուրաքանչյուր ծայրերից յուրաքանչյուր քաղաքացի, ով հայերենի է տիրապետում, կարող է իր հավակնությունները ներկայացնել այդ հարթակին, իսկ նա էլ կֆիլտրի ու կփորձի կառավարությանը ներկայացնել լավագույններին»,այս մասին ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը՝ պատասխանելով օգտատերերի հարցին: Օգտատերերից մեկը բարձրացրել է հարցը, որ հաճախ մինչև 30-35 տարեկան անձանց են հրավիրում աշխատանքի: «Պետական կառավարման որոշ համակարգերում հին իներցիան հնարավոր չի լինում կանգնեցնել: Կան մարդիկ, ովքեր ասում են, որ 1-2 ամիս կանցնի և կմոռանան՝ ինչի մասին էր այս ամենը, ինչի համար, կսկսեն փող աշխատել, կոռուպցիոն սխեմաներ կլինեն: Պետական համակարգում էլ կան մարդիկ, ովքեր հույսեր չեն ներշնչում, և մենք պետք է հնարավորինս արագ կադրային հեղափոխության համար հստակ կադրային բանկ ունենանք և կարողանանք մեկ օրում այդ հեղափոխությունն անցկացնել:Յուրաքանչյուրի ինտելեկտուալ ու պրոֆեսիոնալ մակարդակը պիտի բարձրացվի»,-ասաց նա: «Հայաստանում կա ոլորտ, ավելի միշտ 4000-ից ավել թափուր աշխատատեղ կա, և դա ինֆորմացիոն տեղեկատվական տեխնոլոգիաների ոլորտն է»,-ասաց նա: