Ոստիկանության գործողություններից գոհ չեմ. Նիկոլ Փաշինյան

Հայ առաքելական եկեղեցու շուրջ ստեղծված իրավիճակը որոշակի տհաճ մթնոլորտ է ստեղծում այն առումով, որ դրսևորումներ են լինում, որոնք այդքան էլ հասկանալի չեն: Ոստիկանությանը հանձնարարել եմ  շատ ուշադիր հետևել վերջին միջադեպին, որ տեղի է ունեցել Վայոց ձորի մարզում, երբ խոչընդոտել էին Գարեգին Բ-ի տեղաշարժը, շատ ուշադիր գնահատել, եթե բողոքների գործողությունները գծեր են անցել, ապա պետք է հստակ արձագանք ստանան դրանք: Կառավարությունը ներեկեղեցական հարցերի չպիտի միջամտի»,- այս մասին ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը՝ պատասխանելով օգտատերերից մեկի հարցին, թե ինչու չի խթանում, որ Ամենայն Հայոց կաթողիկոսը հրաժարական տա, երբ արդեն երկար ժամանակ մի շարք անձինք, «Նոր Հայաստան, նոր հայրապետ» նախաձեռնությունը պահանջում է կաթողիկոսի հրաժարականը: