Էրդողանի եղբայր Աթեշյանը Հայաստանում է
Այսօր վաղ առավոտյան Հայաստան է ժամանել Պոլսո հայոց պատրիարքի փոխանորդ Արամ արքեպիսկոպոս Աթեշյանը և մասնակցել է Մայր Աթոռ Սուրբ Էջմիածնում տեղի ունեցած պատարագին: Հիշեցնենք, որ դեռևս մեկ ամիս առաջ պետք է նա եկած լիներ, սակայն միայն այժմ է համարձակություն ունեցել այցելելու: Նշենք նաև, որ դեռ մեկ տարի առաջ, երբ Արամ Աթեշյանը պատրաստվում էր Հայաստան գալ, ստորագրահավաք էր սկսվել, բոլորը դեմ էին նրա այցին: Նա եկավ, բայց փորձեց թաքցնել այդ փաստը՝ խուսափելով բողոքի ակցիաներից: Տեղեկացնենք, որ այդ ամենը սկսվել էր այն բանից հետո, երբ Արամ Աթեշյանը Թուրքիայի նախագահ Ռեջեփ Էրդողանին նամակ էր գրել Հայոց ցեղասպանությունը դատապարտող Բունդեսթագի բանաձևի առթիվ, որում նշել էր. «Առաջին համաշխարհային պատերազմի ողբերգական շրջանում տեղի ունեցած իրադարձությունների մասին Գերմանիայի հանրապետության Ազգային ժողովի ընդունած որոշումը մեր ժողովրդի շրջանում խոր վիշտ է առաջացրել»: Ընդ որում՝ նամակում Արամ արքեպիսկոպոս Աթեշյանը հայտնել էր, որ այդ բանաձևի ընդունմամբ հայ ժողովրդին վերաբերող հարցն օգտագործվել է իմպերիալիստական ուժերի կողմից՝ առաջ բերելով հայ ժողովրդի և Պոլսո Հայոց պատրիարքարանի խոր ափսոսանքը:
Հետևեք մեզ Viber-ում
