Էջմիածնի քաղաքապետարանը ամեն ամիս 600 հազար դրամի ծաղիկ ու ծաղկեպսակ է գնել. քաղաքապետ
Էջմիածնի նորանշանակ քաղաքապետ Դիանա Գրիգորյանը հայտնում է, որ Էջմիածնի քաղաքապետարանը ամսական 600,000 ՀՀ դրամի կամ օրական 20,000 ՀՀ դրամի ծաղիկ կամ ծաղկեպսակ է ձեռք բերել: Այս մասին նա տեղեկացրել է ֆեյսբուքյան իր էջում՝ գրելով. «Սիրելի՛ համաքաղաքացիներ, Գնումների գործընթացների մեր ուսումնասիրությունների արդյունքում պարզվել է, որ Էջմիածնի քաղաքապետարանը վերջին տարիներիներին տարեկան 7,200,000 ՀՀ դրամի ծաղիկ կամ ծաղկեպսակ է ձեռք բերել մի Ա/Ձ-ից: Մաթեմատիկական պարզ հաշվարկները ցույց են տալիս, որ տարիներ շարունակ Էջմիածնի քաղաքապետարանը ամսական 600,000 ՀՀ դրամի կամ օրական 20,000 ՀՀ դրամի ծաղիկ կամ ծաղկեպսակ է ձեռք բերել: Թե ինչ նպատակով է դա արվել, անհայտ է, սակայն, կարծում եմ, բոլորիս համար ակնհայտ է, որ համայնքային համեստ բյուջեի համար սա անթույլատրելի շռայլություն է եւ միջոցների անհարկի վատնում: Առայժմ այսքանը: Շարունակելի...»,-գրել է Դ. Գրիգորյանը:
Հետևեք մեզ Viber-ում
